ഈ ഇടവകയുടെ ആദ്യ ഭരണ സമിതി അംഗങ്ങൾ ശ്രീ.പി വി മത്തായി പിള്ള പടിഞ്ഞാറേ കുടിയിൽ ശ്രീ പൈലി പാപ്പച്ചൻ അമ്പഴച്ചാലിൽ,ശ്രീ കെ വി ഫിലിപ്പോസ് കൂരാപ്പിള്ളിൽ, ശ്രീ മത്തായി പൈലി ഇലവുംകുടി വീട്ടിൽ എന്നിവർ ആയിരുന്നു.
ഇപ്പോൾ വികാരി പ്രസിഡന്റായും, സഹവികാരി, തന്നാണ്ട് വാർഷിക പൊതുയോഗത്തിൽ തിരഞ്ഞെടുക്കപ്പെടുന്ന ട്രസ്റ്റിമാർ,ഐടിസി സെക്രട്ടറി,കമ്മിറ്റി അംഗങ്ങൾ ഉൾപ്പെടുന്ന മാനേജിംഗ് കമ്മിറ്റി ഭരണം നടത്തിവരുന്നു.
ഈ പള്ളിയുടെ കീഴിൽ രാജകുമാരി സൗ ത്തിൽ സ്‌തേഫാനോ സ് സഹദായുടെയും ബസേലിയോസ് ബാവയുടെയും സംയുക്ത നാമധേയത്തിൽ ഒരു ചാപ്പലും, പള്ളിയുടെ പടിഞ്ഞാറ് ഭാഗത്തായി കുര്യാക്കോസ് സഹദായുടെയും കിഴക്കുഭാഗത്തായി റോഡിനോട് ചേർന്ന് വിശുദ്ധ ഗീവർഗീസ് സഹദായുടെ കുരിശും രാജകുമാരി നോർത്ത് ടൗണിൽ വിശുദ്ധ ദൈവ മാതാവിന്റെ കുരിശുംതൊട്ടിയും, എം പി.റ്റി.പടിയിൽ വിശുദ്ധ ഗീവർഗീസ് സഹദായുടെ കുരിശും തൊട്ടിയും,രാജകുമാരി സൗത്തിൽ പരിശുദ്ധ പരുമല തിരുമേനിയുടെ കുരിശും തൊട്ടിയും, കുളക്കോഴിച്ചാൽ ഭാഗത്ത് തോമാശ്ലീഹായുടെ കുരിശും തൊട്ടിയും ബി ഡിവിഷൻ ഭാഗത്ത് ദൈവമാതാവിന്റെയും മോർ ബസേലിയോസ് ബാവ യുടെയും നാമത്തിലുള്ള കുരിശും തൊട്ടിയും, ജണ്ടനിരപ്പ് ഭാഗത്ത് ഗീവർഗീസ് സഹദായുടെ നാമത്തിലുള്ള കുരിശും തൊട്ടിയും സ്ഥാപിച്ചിട്ടുള്ളതാകുന്നു.
പള്ളിയുടെ കീഴിൽ 18 കുടുംബയൂണിറ്റുകളും, കുര്യാക്കോസ്‌ സഹദായുടെയും മോർ ബസേലിയോസ്ബാവയുടെയും നാമത്തിൽ രണ്ട് സൺഡേ സ്കൂളുകളും, സെന്റ് ജോൺസ് യൂത്ത് അസോസിയേഷനും, മോർ ബസേലിയോസ് യൂത്ത് അസോസിയേഷനും, പ്രവർത്തിച്ചുവരുന്നു. അതോടൊപ്പം വയലിപ്പറമ്പിൽ ഗീവർഗീസ് മോർ ഗ്രിഗോറിയോസ് തിരുമേനിയുടെ നാമത്തിൽ ഒരു ഐടിഐയും 1978 മുതൽ പ്രവർത്തിച്ചിരുന്നു